لیجنڈری اداکار محمد قوی خان 85 برس کے ہو گئے

محمد قوی خان 1932کو پشاور میں پیدا ہوئے تھے،انھوں نے اپنے فنی کیرئیر کا آغاز ریڈیو پاکستان سے کیا۔ جب پاکستان ٹیلی ویژن کا آغاز ہوا  تو وہ اس کے پہلے اداکاروں میں سے تھے۔انھوں نے 1965 میں فلم ”رواج ”سے فلمی کیرئیر کا آغاز کیا۔ فلم ہو یا ڈرامہ انھوں نے جو کیا کمال کیا  اور ہر کردار کو بخوبی نبھایا۔انھوں نے کئی فلموں میں اداکاری کی لیکن زیادہ تر معاون اداکار کے طور پر کام کیا۔انھوں نے 200 کے قریب اردو،پنجابی اور پشتو فلموں میں کام کیا۔ اندھیرا اجالا،فشار،من چلے،درشہوار اور ڈاکٹر دعا گو سمیت لاتعداد ڈراموں میں کام کیا۔قوی خان نے اپنے فنی کیرئیر میں متعدد ایوارڈ اپنے نام کیے ،انھیں صدارتی تمغہ برائے حسن کارکردگی اور ستارہ امتیاز سے بھی نوازا گیا۔ وہ صدارتی تمغہ برائے حسن کارکردگی پانے والے پہلے اداکر تھے۔85 سال کی عمر میں بھی انھوں نے اداکاری جاری رکھی ہوئی ہے اور وہ آج بھی کئی ڈراموں میں اپنی اداکاری کا لوہا منوا رہے ہیں ۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.