رنبیر کپور نے سنجو بابا کو فراڈ قرار دے دیا

بالی ووڈ اداکار سنجے دت کی زندگی پر بننے والی فلم میں سنجوبابا کا کردار ادا کرنے والے رنبیر کپور کا کہنا ہے کہ وہ ایک فراڈ آدمی کا کردار ادا کررہے ہیں۔بالی ووڈ کو ’’منا بھائی ایم بی بی ایس‘‘، ’’لگے رہو منا بھائی‘‘، ’’تھری ایڈئٹس‘‘ اور ’’پی کے‘‘ جیسی سپر ہٹ فلمیں دینے والے نیشنل ایوارڈ یافتہ ہدایت کار راجو ہیرانی اپنے دوست سنجے دت کی زندگی پر فلم بنانے میں مصروف ہیں ۔ آئندہ سال مارچ میں ریلیزہونے والی اس فلم میں رنبیر کپور مرکزی کردار نبھا رہے ہیں۔پاریش راول سنجے دت کے والد، منیشا کوئرالہ ماں جبکہ دیا مرزا بیوی کا کردارنبھارہی ہیں ۔ اپنےایک انٹریو میں رنبیر کپور نے سنجے دت کو فراڈ قرار دیتے ہوئے کہا کہ ہم ایک فراڈ شخص کا کردار لوگوں کے  سامنے  پیش کررہے ہیں اور وہ ایک  متنازعہ شخص ہیں جسے لوگ پسند  کرنے کے ساتھ ناپسند بھی کرتے اور ایسے شخص کا اپنے زندگی پر فلم بنانے دینے کا فیصلہ بڑی جرات کا کام ہے۔رنبیر کپور کا کہنا تھا کہ میں نہیں سمجھتا اگر میں ان کی جگہ ہوتا تو میں اپنی زندگی کے حوالے سے اتنا ایماندار ہوتا اور خود کو ایسا بناتا جو دکھنے میں بہت اچھا نہیں ہے۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.