گلوکار عنایت حسین بھٹی کی آج 90 ویں سالگرہ ہے

معروف فوک گلوکار و اداکاراور فلمساز عنایت حسین بھٹی 1928کو گجرات میں پیدا ہوئے ۔سٹیج پر ایک پرفارمنس کے بعدا نہیں ریڈیو پر گانے کی پیشکش ہوئی یہیں ان کی ملاقات موسیقار جی اے چشتی سے ہوئی جنہوں نے عنایت حسین بھٹی کو اپنی فلم ”پھیرے“ میں گانا گانے کے لئے کہا جس کے گیت ”او اکھیاں لاویں ناں” نے کافی مقبولیت حاصل کی۔ انھیں پاکستان کا پہلا سپر سٹار پلے بیک گلوکار بھی کہا جاتا ہے۔عنایت حسین بھٹی نے لوک گلوکاری کے ساتھ ساتھ اداکاری میں بھی نام کمایا۔ وہ پروڈیوسر،ڈائریکٹر اور سکرپٹ رائٹر بھی تھے۔گلوکاری کے ساتھ ساتھ عنایت حسین بھٹی نے فن اداکاری میں بھی اپنے کمال جوہر دکھائے۔ عنایت حسین بھٹی نے1965 اور1971کی جنگ میں لازوال ملی نغمے گائے۔انھوں نے اردو،پنجابی،سندھی ، سرائیکی اور بنگالی میں 2500 سے زائد گیت گائے۔ عنایت حسین بھٹی نے 5 دہائیوں تک اپنی آواز کے ذریعے پاکستان فلم انڈسٹری پر راج کیا اور ان کی آواز اپنے جادوئی اثر کے ساتھ آج بھی زندہ ہے۔

شاید آپ یہ بھی پسند کریں مصنف سے زیادہ

%d bloggers like this: