ایپل کمپیوٹر استعمال کرنے والوں کی خوشی اب صرف چند دن کی مہمان

ایپل میکنٹوش کمپیوٹر استعمال کرنے والوں کی خوشی اب صرف چند دن کی مہمان، محفوظ آپریٹنگ سسٹم کے حوالے سے مشہورایپل کمپیوٹرز بھی اب وائرس حملوں سے غیر محفوظ ہو جائیں گے، نیا آئی فون 8 پلس ماڈل واٹر پروف اور وائرلیس چارجنگ کا حامل ہوگا جبکہ روایتی جارچنگ پورٹ کو ختم نہیں کیا جارہا

رینسم ویئر حملوں کے بعد ایپل میکنٹوش کمپیوٹرز کے صارفین خاصے مطمئن تھے کیونکہ ان حملوں میں صرف ونڈوز آپریٹنگ سسٹم ہی کو نشانہ بنایا گیا تھا لیکن یوں لگتا ہے جیسے اب ان کی خوشی صرف چند دن کی مہمان رہ گئی ہے۔ جبکہ نیا آئی فون 8 پلس ماڈل واٹر پروف اور وائرلیس چارجنگ کا حامل ہوگا

سائبر سیکیورٹی ماہرین نے خبردار کیا ہے کہ انٹرنیٹ کی تاریک دنیا میں ایسے رینسم ویئر بھی فروخت کے لیے رکھ دیئے گئے ہیں جن کا مقصد ایپل میکنٹوش کمپیوٹروں کو متاثر کرنا اور ان پر محفوظ کیے گئے ڈیٹا کو یرغمال بنانا ہے۔۔

 واضح رہے کہ اس سال امریکا میں ایپل کمپیوٹرز پر ایک رینسم ویئر حملہ ہوا تھا لیکن اپنی معمولی شدت اور نہایت کم نقصان کی بناء پر وہ عالمی خبروں میں زیادہ جگہ نہیں بناسکا تھا تاہم اسی وقت ہی سائبر سیکیورٹی ماہرین نے خطرے کی گھنٹی بجا دی تھی۔ چونکہ ایپل میکنٹوش پر ماضی میں ہیکروں کی جانب سے بہت ہی کم حملے کیے گئے ہیں اسی لیے یہ تاثر عام تھا کہ میکنٹوش آپریٹنگ سسٹم کو اینٹی وائرس یا اسی نوعیت کے دوسرے سیکیورٹی پروگرامز کی کوئی خاص ضرورت نہیں۔۔

 ایپل میکنٹوش کا شمار دنیا کے مہنگے کمپیوٹرز میں ہوتا ہے جنہیں عام طور پر صرف امیر اور مالدار طبقے کے لوگ ہی استعمال کرتےہیں جبکہ ڈیٹا ہیک ہوجانے کی صورت میں یہی لوگ دیگر صارفین کی نسبت زیادہ تاوان ادا کرسکتے ہیں۔ غالباً یہی وہ سوچ ہے جس کے تحت ایپل میکنٹوش کے لیے بھی رینسم ویئر، اسپائی ویئر اور وائرس وغیرہ تیار کیے گئے ہیں۔

دوسری جانب ایپل کمپنی کو سہولیات فراہم کرنے والی ایک کمپنی نے انکشاف کیا ہے کہ اس سال ریلیز ہونے والا آئی فون 8 پلس ماڈل واٹر پروف اور وائرلیس چارجنگ کا حامل ہو گا۔ واضح رہے کہ کئی پیٹنٹ درخواستوں سے یہ معلوم ہوا تھا کہ ایپل کمپنی ایک عرصے سے وائرلیس چارجنگ میں دلچسپی لے رہی ہے جس کے تحت مستقبل قریب میں عام وائی فائی سگنلز سے بھی موبائل فون اور ٹیبلٹ چارج کرنا ممکن  ہوسکے گا۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.