کوئٹہ دھماکا جشن آزادی کو متاثر کرنےکی کوشش ہے، آرمی چیف کی مذمت

آرمی چیف جنرل قمر جاوید باجوہ نے کوئٹہ دھماکے کی مذمت کرتے ہوئے کہا ہے کہ ہمارا عزم کسی بھی چیلنج سے کم نہیں ہوگا۔

پاک فوج کے شعبہ تعلقات عامہ نے کوئٹہ دھماکے میں 15 جوانوں اور  7 شہریوں کے شہید ہونے کی تصدیق کردی۔ آئی ایس پی آر کے مطابق دھماکے میں 25 افراد زخمی ہوئے، تمام زخمیوں کو سی ایم ایچ کوئٹہ منتقل کردیا گیا، جن میں سے کئی کی حالت تشویش ناک ہے۔ ترجمان کےمطابق کوئٹہ میں دہشت گردوں نے فورسز کی گاڑی پرحملہ کر کے ڈیوٹی پر مامور سیکیورٹی فورسز کی گاڑی کو نشانہ بنایا، حملے میں آگ لگانے والا دھماکا خیزمواد استعمال کیا گیا، انٹرسروسزپبلک ریلیشن کی جانب سے جاری بیان میں کہا گیا ہے کہ آرمی کے دستے نے جائے دھماکے کی ناکہ بندی کرکے ریسکیو آپریشن مکمل کرلیا ہے۔ دوسری جانب آرمی چیف نے کوئٹہ میں فورسز پر حملے کی مذمت کرتے ہوئے کہا کہ حملہ جشن آزادی کو متاثر کرنے کی کوشش ہے، ہمارا عزم کسی بھی چیلنج سے کم نہیں ہوگا۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.