بیساکھی میلے میں شرکت کیلئے آئے15سوسکھ یاتری بھارت واپس روانہ

بیساکھی میلے میں شرکت کیلئے آئے 15 سو سکھ یاتری بھارت واپس روانہ، انتہائی سخت سکیورٹی میں لائے گئے سکھ یاتریوں کو صدیق الفاروق نے تحائف بھی پیش کئے۔
بیساکھی میلے میں شرکت کے بعد پندرہ سو سکھ یاتری ریلوے سٹیشن سے بھارت واپس روانہ ہوگئے ، متروکہ وقف املاک بورڈ کے چئیرمین صدیق الفاروق نے انہیں رخصت کیا ۔ پندرہ سو سکھ یاتری بیساکھی میلے میں شرکت کیلئے چند روز قبل بھارت سے پاکستان آئے تھے ۔ واپسی کیلئے سکھ یاتریوں کو سخت سکیورٹی میں ریلوے سٹیشن پہنچایا گیا جہاں سے وہ خوشی خوشی اپنے ملک واپس روانہ ہو گئے ۔ متروکہ وقف املاک بورڈ کے چئیرمین نے انہیں رخصت کیا ۔ صدیق الفاروق نے سکھ یاتریوں کو تحائف بھی دئیے اور ان کیلئے نیک تمناؤں کا اظہار کیا ۔ سکھ یاتریوں کا روانگی سے قبل کہنا تھا کہ وہ پاکستان سے محبت لیکر جا رہے ہیں ۔ پاکستانیوں نے انہیں بہت پیار دیا ، مذہبی رسومات کی ادائیگی میں حکومت کی جانب سے مکمل تعاون کیا گیا ۔ بھارت سے آئے سکھ یاتریوں کا کہنا تھا کہ پاکستان اور بھارت دونوں ہمسایہ ممالک ہیں ، دونوں کو امن کے ساتھ رہنا چاہیے ۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.