پشاور:فرنٹئیر کور کی گاڑی پر خود کش حملہ،2 سکیورٹی اہلکار شہید

پشاور کے علاقے حیات آباد میں با غ ناران کے قریب ایف سی  کی گاڑی کے قریب زور دار دھماکا ہوا۔ خودکش حملہ اس وقت ہوا جب فرنٹیئر کور کی گاڑی کی حیات آباد کے باغ ناران کے قریب سے گزررہی تھی کہ اس دوران حملہ آور نے خود کو گاڑی کے قریب پہنچ کر خود کو دھماکے سے اڑا لیا۔ دھماکے کے نتیجے میں 2سکیورٹی اہلکار شہید جبکہ سات زخمی ہوگئے ۔ زخمی ہونے والے اہلکاروں میں سے 4  کو حیات آباد میڈیکل کمپلیکس جبکہ 3 کو سی ایم ایچ پشاور منتقل کیا گیا۔ ایس ایس پی آپریشن کے مطابق خود کش حملہ آور نے موٹرسائیکل کے ذریعے گاڑی کو نشانہ بنایا، دھماکہ خیز مواد موٹرسائیکل پر نصب تھا۔ واقعے کی اطلاع ملتے ہی سیکیورٹی فورسز نے علاقے کو گھیرے میں لے کر شواہد اکٹھے کر کے مزید تحقیقات شروع کر دیں۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.