کرپشن ریفرنسز، حسن اورحسین نوازکوپیشی کیلئےدی گئی مہلت ختم

کرپشن ریفرنسز میں نامزد حسن اور حسین نواز کی عدالت میں پیشی سے متعلق ایک ماہ کی مدت آج ختم ہوگئی ہے، جس پر احتساب عدالت اپنا فیصلہ سنائے گی۔ سابق وزیراعظم کے دونوں بیٹے ایک بار بھی احستاب عدالت میں پیش نہیں ہوئے۔ مریم نواز کے مطابق دونوں بھائی یہاں کے شہری ہی نہیں اس لیے ان پر یہاں کے قوانین کا اطلاق نہیں ہوتا۔ ادھر ریفرینسز کی پیروی کرنے والی نیب پراسیکیوشن کی ٹیم لاہورسے اسلام آباد پہنچ گئی ہے جو عدالت میں حسن اورحسین نوزا سے متعلق اپنی رپورٹ پیش کرے گی۔ نیب ذرائع کے مطابق عدالت دونوں بھائیوں کو اشتہاری قرار دے سکتی ہے۔ نیب کی ٹیم نے لاہور رہائش گاہ پر تین بار سمن بھی بھجوائے ہیں، نیب کے مطابق حسن اور حسین نواز نے سمن وصول کرنے سے انکار کر دیا تھا۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.