سیالکوٹ سے ریاض جانیوالی پی آئی اے پرواز کی لاہور ائیرپورٹ پر ہنگامی لینڈنگ

سیالکوٹ سے ریاض جانے والی پی آئی  اے کی پرواز کی لاہور ایئرپورٹ پر ہنگامی لینڈنگ ہوئی ہے۔ ایئر پورٹ ذرائع کے مطابق سیالکوٹ سے ریاض جانے والی پی آئی اے کی پرواز پی کے 755 کے کارگو سیکشن میں آگ لگ گئی جس کے بعد اسے فوری طور پر اتار لیا گیا۔ ایئر پورٹ ذرائع کے مطابق طیارے میں 300 سے زائد مسافر سوار تھے جنہیں بحفاظت طیارے سے نکال کر ایئرپورٹ کی انتظار گاہ میں بٹھا دیا گیا۔ دوسری جانب ترجمان پی آئی اے کا کہنا ہے کہ طیارے میں آگ نہیں لگی بلکہ پائلٹ نے کاکپٹ میں دھویں کی نشاندہی کی تھی جس پر طیارے کو فوری طور پر لاہور ایئرپورٹ پر اتار لیا گیا۔ ترجمان کے مطابق اس طیارے کے مسافروں کو متبادل طیارے کے ذریعے ریاض کے لئے روانہ کیا گیا۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.