را اور این ڈی ایس پاکستان میں عدم استحکام پھیلا رہے ہیں، دفتر خارجہ میں بریفنگ

دفتر خارجہ: دفتر خارجہ نے دہشتگردی کے خلاف پاکستان کی کوششوں سے متعلق بریفنگ دی۔ بریفنگ وزیر خارجہ خواجہ آصف اور سیکریٹری خارجہ نے سفیروں اور ہائی کمشنرز کو دی، جس میں ڈی جی ملٹری آپریشنز، ڈی جی ایم آئی، چیف آف جنرل سٹاف لیفٹیننٹ جنرل بلال اکبر نے بھی شرکت کی۔ترجمان دفتر خارجہ کے مطابق بھارت کی جانب سے ورکنگ باؤنڈری اور ایل او سی پر سیز فائر کی خلاف ورزیوں پر بھی بریفنگ دی گئی۔وزیر خارجہ نے گذشتہ 16 سال میں دہشتگردی کے خلاف پاکستان کی کارکردگی سے آگاہ کرتے ہوئے کہا کہ گذشتہ 4 سال میں پاکستان نے دہشتگردوں کے خلاف کامیاب کارروائیاں کیں۔ ضرب عضب اور ردالفساد سمیت پاکستان نے کامیاب آپریشنز کیے ہیں۔سفیروں کو بھارتی خفیہ ادارے ’را‘ اور افغان ادارے این ڈی ایس کے باہمی تعلق پر بھی بریفنگ دی گئی اور بتایا گیا کہ ’را‘ اور ’این ڈی ایس‘ مل کر پاکستان میں عدم استحکام پھیلا رہے ہیں۔سفیروں کو بتایا گیا کہ بھارتی خفیہ ادارے کی سرگرمیاں دہشتگردی کے خلاف جنگ میں پاکستان کی توجہ کو ہٹانے کی ناکام کوشش ہے۔سفیروں نے کوئٹہ کے واقعے میں جانی نقصان پر افسوس کا اظہار کیا جبکہ دفتر خارجہ اور ملٹری قیادت کی مشترکہ بریفنگ پر اظہار تشکر کیا۔

شاید آپ یہ بھی پسند کریں مصنف سے زیادہ

%d bloggers like this: