اتحادی افواج کی سربراہی کیلئے جنرل راحیل شریف کو این او سی جاری این او سی جی ایچ کیو کی منظوری سے جاری کیا گیا،خواجہ آصف خصوصی طیارے کے ذریعے سعودی عرب روانہ

وزرات دفاع کے مطابق جنرل (ر)راحیل شریف کواسلامی فوجی اتحاد کی سربراہی کی اجازت دے دی گئی، سابق آرمی چیف راحیل شریف کو این او سی جاری کردیا،این او سی جی ایچ کیو کی منظور ی سے جاری کیا گیاہے۔دہشت گردی کے خلاف 34 ممالک پر مشتمل اتحاد 16 دسمبر 2015ء کو معرضِ وجود میں آیا تھا،تب عرب لیگ نے معاہدہ شمالی اوقیانوس کے طرز پر  عرب نیٹو   کے نام سے ایک سریع الحرکت فوج کی تشکیل کا منصوبہ پیش کیا تھا،سعودی عرب نے گذشتہ سال پاکستان کی مشاورت سے جنرل راحیل شریف کے دہشت گردی مخالف اس اسلامی فوجی اتحاد کے سربراہ کے طور پر تقرر کا اعلان کیا تھا۔اس فوجی اتحاد میں مشرقِ وسطیٰ ،افریقا اور ایشیا سے تعلق رکھنے والے مسلم ممالک شامل ہیں،ان میں پاکستان،سعودی عرب،ترکی،متحدہ عرب امارات،بحرین ،بنگلہ دیش،تیونس،سوڈان ،ملائشیا،یمن،مصر اور دوسرے ممالک شامل ہیں,اس فوجی اتحاد کا مشترکہ کمان مرکز اور صدر دفاتر سعودی دارالحکومت الریاض میں ہیں

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.