آمدن سے زائد اثاثوں کا الزام، وزیر خزانہ اسحاق ڈار آج احتساب عدالت میں پیش ہوں گے

نجی بینک کے افسر طارق جاوید اور نیشنل انویسٹمنٹ ٹرسٹ کے افسر شاہد عزیز نے نیب سمن کی تعمیل کر دی۔ پیشی کے موقع پر اسحاق ڈار کے وکیل خواجہ حارث دونوں افسران پر جرح بھی کریں گے۔ ذرائع کے مطابق، اسحاق ڈار کی پیشی کیلئے سکیورٹی انتظامات مکمل کر لئے گئے ہیں۔ احتساب عدالت کے گرد 200 اہلکار تعینات ہونگے۔ ذرائع کا کہنا ہے کہ سکیورٹی کیلئے پولیس اور ایف سی تعینات ہو گی، رینجرز کی طلبی کیلئے پولیس نے اس مرتبہ کوئی لیٹر نہیں لکھا، احتساب عدالت کے گرد راستے بند اور داخلی راستہ ایک ہی ہو گا۔ کارکنوں کو احتساب عدالت تک جانے کی اجازت نہ ہو گی۔ تاہم میڈیا اور وکلاء کو احتساب عدالت میں جانے کی اجازت ہو گی۔ اس سے پہلے بینک افسر اشتیاق علی بھی اسحاق ڈار کے خلاف بیان قلمبند کرا چکے ہیں جس میں انہوں نے کہا تھا کہ اسحاق ڈار نے اہلیہ کے نام بنک اکاؤنٹ کھلوایا۔ اسحاق ڈار کے وکیل خواجہ حارث نے اعتراض اٹھایا تھا کہ گواہ کا دستاویزات سے کوئی تعلق نہیں، 2001ء کی تفصیل 2005ء میں بھرتی ہونے والا افسر بتا رہا ہے۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.