اپ گریڈ کرنے کا وعدہ پورا کرو،لیڈی ہیلتھ ورکرزسڑکوں پرآ گئیں ڈی جی آفس میں مظاہرہ،پنجاب اسمبلی تک ریلی،20ہزارسےزائد کی شرکت

پنجاب: لیڈی ہیلتھ ورکرزاپنےمطالبات کیلئے سڑکوں پرآ گئیں ۔احتجاج میں لاہورسمیت پنجاب بھرسے 20ہزار سے زائد لیڈی ییلتھ ورکرز شریک ہوئیں۔ مظاہرین نے ڈی جی ہیلتھ آفس میں احتجاج کیا اور بعد ازاں مال روڈ پر پنجاب اسمبلی تک ریلی نکالی اورحکومت کے خلاف نعرے بازی کی ۔ لیڈی ہیلتھ ورکرز کا کہنا تھا کہ صوبائی وزیرصحت خواجہ عمران نزیرنےگریڈ کی ترقی کیلئے ایک ماہ کاوقت مانگاتھا لیکن 2ماہ گزرگئےتاحال مطالبہ پورانہیں کیاگیا جس کے باعث ہم سڑکوں پر آنے پر مجبور ہوئے ۔ ان کا کہنا تھا کہ گریڈ میں ترقی ہمارا حق ہے اور ہم یہ حق لے کر رہیں گے ۔ مظاہرین نے مطالبات کی منظوری تک احتجاج جاری رکھنے کا اعادہ کیا ۔ دوسری جانب مال روڈ کی بندش سےشہر کی دیگر سڑکوں پر ٹریفک کا دباؤ بڑھ گیا اور گاڑیوں کی طویل قطاریں لگ گئیں جس کے باعث شہریوں کو شدید پریشانی کا سامنا کرنا پڑا۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.