ہائیکورٹ:پنجاب کی 3 یونیورسٹیوں کے وائس چانسلرز کی تعیناتیاں روکنے کے لئے درخواست دائر

لاہور ہائی کورٹ میں پنجاب کی تین بڑی یونیورسٹیوں کے وائس چانسلرز کی تعیناتیاں روکنے کے لئے درخواست دائر،جی ایم ٹیوٹا کی تقرری بھی چیلنج

ڈاکٹر عبدالمنان کی جانب سے لاہور ہائی کورٹ میں دائردرخواست میں موقف اختیارکیا گیا کہ پنجاب یونیورسٹی،کنگ ایڈورڈ میڈیکل کالج یونیورسٹی اورفاطمہ جناح میڈیکل کالج یونیورسٹی میں نئے وائس چانسلرز تعینات کئے جارہے ہیں لیکن ان کی تعیناتی ہائی کورٹ کی گائیڈ لائن کے مطابق نہیں کی جا رہی لہٰذاعدالت پنجاب حکومت کو وائس چانسلرز کی تعیناتی روکنے کا حکم دے، چیف جسٹس لاہور ہائی کورٹ آئندہ پیر کے روز درخواست پر سماعت کریں گے۔ جبکہ ٹیوٹا کے سابق جنرل منیجر رضوان احمد نے  جی ایم سروسز اختر عباس بھروسہ کی تقرری کو قواعد و ضوابط کے برعکس قرار دیتے ہوئے عدالت سے رجوع کرلیا،درخواست میں موقف اپنایا گیا کہ اختر عباس گریڈ اٹھارہ کے جونئیر افسرہیں اور انہیں وزیر اعلیٰ پنجاب کے حکم پر عارضی چارج دیا گیا تھا لیکن اب مستقل کیا جا رہا ہے لہٰذا اختر عباس کی بطور جی ایم سروسز تقرری کو کالعدم قرار دیا جائے جس پر جسٹس  شمس محمود مرزا نے سیکر ٹری صنعت کو نوٹس جاری کردیا۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.