کروڑوں پاکستانی پانی،بجلی،تعلیم جیسی بنیادی سہولتوں سے محروم، مصطفیٰ کمال

مصطفی کمال نے کہا ہے کہ 70 برس گزرگئے لیکن اس مسئلہ کا کوئی حل نہیں نکالا جاسکاکیونکہ حکومت ہو یا اپوزیشن،سب اپنے اپنے مفاد میں مصروف ہے،عوام کی فکرکسی کونہیں۔انہوں نے سوال کیا کہ جب حکومت اوراپوزیشن کی تمام جماعتیں سڑکوں پر ہیں تومسائل کون حل کرے گا ۔ مصطفیٰ کمال کا کہنا تھا کہ کراچی 70 فیصد ریونیو کما کر دیتا ہے لیکن شہر قائد کے باسی بجلی اور پانی جیسی بنیادی سہولت سے محروم ہیں جبکہ شہر میں صفائی کا انتظام بھی نہ ہونے کے مترادف ہے اور جگہ جگہ کچرے کے ڈھیر دکھائی دیتے ہیں جو تعفن اور بیماریوں کی وجہ بن رہے ہیں لیکن اس جانب کسی کی توجہ نہیں مصطفیٰ کمال نے کہا کہ سرکاری تعلیمی اداروں کا بھی کوئی پرسان حال نہیں،سکولوں میں نہ ٹیچر ہے نہ تعلیم۔ عمارتیں بھی ٹوٹ پھوٹ کا شکار ہیں جو کسی مسیحا کی منتظر ہیں۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.