این اے فور کے ضمنی الیکشن میں پاک فوج کو تعینات کیا جائے،امیر مقام

مسلم لیگ ن کے صوبائی سیکرٹریٹ میں مشترکہ پریس کانفرنس کرتے ہوئے امیر مقام نے این اے فور کے ضمنی الیکشن میں ن لیگ کے امیدوار کی حمایت کرنے پر پاکستان رائے حق پارٹی کا شکریہ ادا کیا اور کہا کہ وزیراعلی پرویزخٹک اپنے امیدوار سے پوچھے کہ این اے فور میں گیس کون لیکر آیا ہے، خٹک کو اب این اے فور کے مساجد یاد آ گئے ہیں،وزیراعلی تو اے این پی کی تختیاں ہٹا کر اپنی تحتیاں لگا رہا ہے۔امیر مقام کا کہنا تھا کہ عمران خان کونسی سیاست کر رہے ہیں، پارلیمنٹرین کو چور اور ڈاکو کہہ رہے ہیں،جمہویت کی بالادستی کے لئے پارلیمنٹ کا احترام کرنا چاہئیے۔امیر مقام نے کہا کہ ہم چاہتے ہیں این اے فور میں شفاف انتخابات ہوں، پاک فوج کی نگرانی میں ضمنی الیکشن ہونا چاہیے۔ اس موقع پر پاکستان رائے حق پارٹی کے صدر محمد ابراہیم قاسمی نے ن لیگ کے امیدوار کی حمایت کا اعلان کیا اور آزاد امیدوار ضیا الرحمن نے ن لیگ میں شمولیت اختیار کی

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.