نیب واپس کیے گئے3 ریفرنس آج دوبارہ جمع کرائے گا

نیب نےرجسٹراراحتساب عدالت کی جانب سےواپس کیےگئےچار میں سےایک ریفرنس پر اعتراضات دور کرکےدوبارہ جمع کرا دیا۔ باقی تین ریفرنسزبھی آج جمع کراۓجائیں گے۔ جج احتساب عدالت نےتمام ریفرنسز14ستمبرکوعدالت کے روبرو پیش کرنے کا حکم دے رکھا ہے۔

نوازشریف،بچوں اوراسحاق ڈارکےخلاف چاروں نیب ریفرنسزسکروٹنی مکمل ہونے کےبعد واپس کر دیئے گئےتھے۔ 16 آف شور کمپنیوں سے متعلق ریفرنسز پراعتراضات دورکرکے دوبارہ رجسٹرار احتساب عدالت کے پاس جمع کرادیےگئے۔

ذرائع کا کہنا ہے کہ نیب حکام دیگر تین ریفرنسز سے متعلق اعتراضات دور کرنےمیں بھی مصروف ہیں۔ تینوں ریفرنسز اعتراضات دور کر کے آج احتساب عدالت میں جمع کرا دیئےجائیں گے۔

رجسٹرار احتساب عدالت نےاسحاق ڈارکیخلاف اثاثہ جات ریفرنس جبکہ شریف خاندان کیخلاف عزیزیہ سٹیل ملز ریفرنس بھی سکروٹنی کے بعد نیب کوواپس کر دیا۔ پارک لین اپارٹمنٹس اورآف شورکمپنیوں کے ریفرنسز پیر کو واپس کیے گئے تھے۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.