وزیراعظم نوازشریف عدالت سےسرخروہونےکےلئےپرامید ہمارےہاتھ بالکل صاف، عوام نے ن لیگ کوانتظارکیلئےمنتخب نہیں کیا ہمیشہ کارکردگی پر ووٹ حاصل کئے، وزیراعظم نوازشریف

شہراقتدار میں وزیراعظم نوازشریف کی زیرصدارت پارٹی رہنماؤں کا اجلاس ہوا۔ ذرائع کے مطابق، وزیراعظم نواز شریف نے پارٹی ارکان کو عوام سے مسلسل رابطہ رکھنے کی تاکید کی۔ انہوں نے کہا کہ عوام نے کام کیلئے بھیجا اور میں کام کر رہا ہوں، آئندہ الیکشن بھی بھرپور طریقے سے لڑیں گے۔ وزیر اعظم نے کہا کہ وفاقی حکومت سندھ کے عوام کا احساس محرومی دور کر رہی ہے، سندھ میں بڑے ترقیاتی منصوبے وفاقی حکومت نے شروع کر رکھے ہیں جبکہ سندھ حکومت نے گزشتہ 9 سال میں قابل قدر کام نہیں کیا۔ ان کا مزید کہناتھا کہ سندھ کے عوام بھی مسلم لیگ ن کی طرف دیکھ رہے ہیں۔ ترقی، خوشحالی اور روشن پاکستان کاپیغام سندھ کے ہرشہر، گاؤں اور گوٹھ کےعوام تک پہنچائیں، مسلم لیگ ن آئندہ بھی شاندار کارکردگی کا مظاہرہ کرے گی۔ ذرائع کے مطابق اجلاس میں وزیراعظم سے بعض رہنماؤں نے پانامہ کیس کے فیصلے سے متعلق استفسار کیا تو وزیر اعظم نے پرسکون انداز میں کہا کہ ان کے ہاتھ بالکل صاف ہیں اور انہیں سرخرو ہونے کا کامل یقین ہے۔ وزیر اعظم نے یہ بھی کہا کہ سندھ جانا ان کا حق ہے اور مخالفین پنجاب میں جہاں چاہیں آ جا سکتے ہیں۔ انہوں نےپارٹی عہدیداروں کوصوبے کے شہرشہر گاؤں گاؤں جانے کی ہدایت کی۔

شاید آپ یہ بھی پسند کریںمصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.