رینجرز نہیں توکیاہوا، کراچی پولیس مجرموں پر ٹوٹ پڑی کراچی: بلال کالونی سمیت مختلف علاقوں میں سرچ آپریشن ٹارگٹ کلرسمیت4ملزمان، 40 سےزائدمشتبہ افرادزیرحراست

ایس پی گلبرک بشیر بروہی کے مطابق خفیہ اطلاع پر جوہر آباد میں کارروائی کرتے ہوئے ملزم عمرفاروق عرف راشدچریا کو گرفتار کیا گیا، ملزم کا تعلق ایم کیو ایم لندن سے ہے۔ ملزم نے 1995 میں بلوچ گوٹھ میں فائرنگ کرکے پانچ افراد کو قتل کیا تھا، واردات میں اس کےدیگرساتھی بھی ملوث تھے۔ بلال کالونی اور رشیدآباد میں مختلف تھانوں کی نفری اور دس موبائلوں کے ہمراہ سرچ آپریشن کے دوران گھر گھر تلاشی لی گئی اور دس مشتبہ ا فراد کو حراست میں لیکر تفتیش کے لئے تھانے منتقل کردیا گیا۔ ایس پی گلبرگ بشیر بروہی کے مطابق شاہراہ نورجہاں کے ڈی سلوا ٹائون اور پہاڑ گنج کے علاقوں میں سرچ آپریشن کے دوران 20 مشتبہ افراد کو حراست میں لیکر تفتیش کے لئے تھانے منتقل کردیا گیا۔ نیو کراچی کی بلال کالونی اور رشید آباد میں پولیس نے سرچ آپریشن کے دوران دو ملزمان کو سولجر بازار تھانے سے چھینی گئی موٹر سائیکل اور اسلحے سمیت گرفتار کرلیا ، جب کہ کارروائی کے دوران 9 مشتبہ افراد کو بھی حراست میں لیا گیا۔ پولیس کے مطابق تین ملزمان نیو کراچی سیکٹر 11۔اے میں تیل کی دکان میں ڈکیتی کی نیت سے داخل ہوئے، لوٹ مار کے دوران دکان کے مالک نے مزاحمت کی جس پر ملزمان نے فائرنگ کردی جس سے ان کا اپنا ہی ساتھی زخمی ہوگیا۔ فائرنگ کے بعد ملزمان فرار ہوگئے تاہم زخمی ملزم جنید علاج کے لئے اسپتال پہنچا تو پولیس نے اسے گرفتار کرلیا۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.