پولیس کی وردی تبدیلی کرنے کے معاملے پراہلکاروں سے رائے طلب

پنجاب پولیس کا رویہ بدلے یا نہ بدلے وردی بدلنے کی گونج ایک بار پھر سنائی دے رہی ہے۔ پنجاب پولیس کی وردی تبدیل ہو گی یا نہیں؟ پولیس کی وردی تبدیل کرنے کے معاملے پراہلکاروں سے رائے مانگ لی گئی۔  آئی جی پنجاب عارف نواز نے نئے یونیفارم سے متعلق فارم تمام پولیس سٹیشنز پر بھجوا دیئے۔ فارم میں پولیس اہلکاروں اور افسران سے نئے یونیفارم سے متعلق رائے طلب کی جائے گی۔ فارم میں تمام اہلکار اپنا نام عہدہ اور نمبر لکھنے کے ساتھ ساتھ رائے بھی دیں گے۔ اہلکاروں سے نئے یونیفارم سے متعلق تجاویز بھی مانگی گئیں ہیں۔ 4  اپریل کو سابق آئی جی پنجاب مشتاق سکھیرا نے پولیس کی وردی تبدیل کی تھی۔ وردی تبدیلی پر 80 کروڑ سے زائد کی لاگت آئی تھی۔ وردی تبدیلی کے معاملے پر مسلم لیگ ق کے چوہدری عامر سلطان نے پنجاب اسمبلی میں قرارداد بھی جمع کروائی تھی، قرار داد کے متن کے مطابق بغیر پلاننگ وردی تبدیلی سے خزانے کو کروڑوں روپے کا نقصان پہنچا۔ چوہدری عامر سلطان نے موقف اختیار کیا تھا کہ ذمے داروں کے خلاف کارروائی کی جائے۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.