اپنےلکھےگئے خط پرقائم ہوں ،جے آئی ٹی کےسامنےمکمل تصدیق کروں گا، پرنس حماد

قطر کے پرنس حماد بن جاسم الثانی کا کہنا ہے کہ پاناما کیس کی جوائنٹ انویسٹی گیشن ٹیم قطرآئی تو مکمل تعاون کروں گا۔ انہوں نے کہا کہ اپنے لکھے گئے خط پر قائم ہوں اور جے آئی ٹی کے سامنے اس کی مکمل تصدیق بھی کروں گا۔

پرنس جاسم نے کہا کہ کاروباری قواعد و ضوابط کے تحت وزیر اعظم نواز شریف نے قومی اسمبلی میں کاروباری تفصیلات ظاہر نہیں کیں۔ وزیر اعظم نواز شریف کے والد میاں شریف ایک دیانتدار اور محنتی شخص تھے اور ان کی ذہانت کا ہر کوئی اعتراف کرتا تھا۔انہوں نے کہا کہ محنت سے ترقی کا سفر کرنے والوں کی قدر نہ کرنے کا عمل انتہائی افسوسناک ہے۔ پرنس جاسم نے کہا کہ ہمارا خاندان سوچ سمجھ کر اچھی شہرت کے حامل خاندانوں سے کاروبار کرتا ہے۔اس سے قبل 13 جون کو قطری شہزادے نے جے آئی ٹی کے سامنے پیش ہونے اور اپنا بیان ریکارڈ کرانے پر آمادگی ظاہر کی تھی۔ ان کا کہنا تھا کہ اگر جوائینٹ انویسٹیگیشن ٹیم قطر آئے تو اپنے خط کی تصدیق کرنے کو تیار ہوں۔قطری شہزادے کی جانب سے لکھا گیا خط 26 جنوری کو سپریم کورٹ میں پانامہ کیس کی سماعت کے دوران شریف فیملی کی جانب سے جمع کرایا گیا تھا۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.