چیئرمین سینٹ کے لیے نامزد صادق سنجرانی کی زندگی پر ایک نظر

صادق سنجرانی: صادق سنجرانی انیس سو چونسٹھ میں ضلع چاغی کی تحصیل نوکنڈی میں پیدا ہوئے ابتدائی تعلیم چاغی سے حاصل کی جبکہ علامہ اقبال یونیورسٹی اسلام آباد سے پولیٹیکل سائنس میں ماسٹرز کی ڈگری حاصل کی .وہ مختلف سرکاری عہدوں پر فائز رہے۔ جن میں سابق وزیراعظم یوسف رضا گیلانی کے دور حکومت میں کوآرڈینیٹر، شکایتی سیل، وزیر اعظم سیکریٹریٹ، رکن وزیر اعظم معائنہ کمیشن اور چیف کوآرڈینیٹر، وزیر اعظم شکایتی ونگ، وزیر اعظم سیکریٹریٹ شامل ہے۔ صادق سنجرانی پاکستان ٹیسٹنگ اورسنجرانی مائننگ کمپنی کے کے چیف ایگزیکٹو، ڈائریکٹر ہیومن ریسورس کمیٹی، نیشنل انڈسٹریل پارکس ڈیویلپمنٹ اینڈ مینجمنٹ کمپنی ہیں۔ محمد صادق سنجرانی سوئی سدرن گیس کمپنی لمیٹڈ، ایکسپورٹ پروسیسنگ زون اتھارٹی اور پاکستان بیت المال کے بورڈز میں بھی ڈائریکٹر کے عہدے پر بھی فائز رہے ہیں۔ صادق سنجرانی بزنس پبلک اور پرائیویٹ سیکٹر کی ایڈمنسٹریشن ، مینجمنٹ اور فنانشل پلاننگ کے شعبوں میں وسیع تجربہ رکھتے ہیں۔ صادق سنجرانی حالیہ سینٹ انتخابات میں آزاد حیثیت سے سینیٹر منتخب ہوئے اور اب بلوچستان کے آزاد سینیٹرز کے پینل کی جانب سے چیئر مین سینیٹ کے امیدوار ہیں جبکہ پاکستان تحریک انصاف اور پاکستان پیپلز پارٹی بھی ان کی حمایت کررہی ہیں

شاید آپ یہ بھی پسند کریں مصنف سے زیادہ

%d bloggers like this: