بڑے بھائی کے بعد اب چھوٹا بھائی اور بعد میں داماد بھی

وزیراعلی پنجاب شہبازشریف آج پاناما جےآئی ٹی کے سامنےپیش ہوں گے، چوہدری شوگر ملز اور حدیبیہ پیپرز ملز کا ریکارڈ ساتھ لانےکی ہدایت، جوڈیشل اکیڈمی کےباہرسیکیورٹی کے سخت انتظامات۔

جےآئی ٹی سپریم کورٹ کی طرف سے اٹھائے گئے سوالات کے حوالے سے بھی وزیراعلی پنجاب سے پو چھ گچھ کرے گی، ذرائع کے مطابق شہبازشریف سے میاں محمد شریف کے بیرون ملک کاروبار سے متعلق معلومات لئے جانے کا امکان ہے۔ شہبازشریف کو جےآئی ٹی کی جانب سے سمن میں صبح 11 بجے پیش ہونے کی ہدایت کی گئی ہے، اس موقع پر جوڈیشل اکیڈمی کے اطراف سیکیورٹی کے سخت اقدامات کئے گئے ہیں۔ پولیس، اسپشل برانچ، ایف سی اور رینجرز کے 2500 جوان سیکیورٹی پر مامور ہوں گے جبکہ کوئی بھی غیرمتعلقہ شخص یا گاڑی جوڈیشل اکیڈمی میں داخل نہیں ہو سکے گی۔ جےآئی ٹی نے وزیراعظم نوازشریف کے داماد کیپٹن صفدر کو 24جون کو طلب کیا تھا تاہم انہوں نے عمرے کی ادائیگی کے باعث پہلے پیش ہونے کیلئے جے آئی ٹی کو خط لکھا ہے۔ واضح رہے وزیراعظم نوازشریف اور ان کے صاحبزادے حسین اور حسن نواز جوائنٹ انویسٹی گیشن ٹیم کے سامنے پیش ہوچکےہیں۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.