لاہورسمیت ملک کے بیشتر شہروں میں دھند اور سموگ کا راج

لاہور:لاہور سمیت پنجاب بھر میں دھند کا راج برقرار ہے۔ دھند کے باعث حد نگاہ میں کمی واقع ہوئی ہے۔ فلائٹ آپریشن کے ساتھ ٹرینوں کی آمد و روانگی بھی تاخیر کا شکار ہے۔ کئی ملکی اور غیر ملکی پروازیں منسوخ کردی گئی ہیں۔ ٹرینوں کی آمد اور روانگی میں تاخیرسے مسافروں کو شدید پریشانی کا سامنا ہے، مسافر ٹرینوں کے انتظار میں کئی گھنٹوں سے پلیٹ فارم پر موجود ہیں۔حد نگاہ صفر ہونے پر موٹروے کو بھی کئی مقامات سے بند کردیا گیا ہے۔ ایم تھری پنڈی بھٹیاں سے فیصل آ باد، ایم فورکو فیصل آباد سے گوجرہ تک، ایم ٹو بابو صا بو لاہور سے کوٹ مومن تک موٹروے کو بند کردیا گیا ہے۔ترجمان موٹروے پولیس کا کہنا ہے کہ شہری سموگ و دھند کے دوران غیر ضروری سفر سے گریز کریں اور ضروری سفر کے دوران جی ٹی روڈ کا استعمال کریں اور دوران سفر جی ٹی روڈ پر بھی گاڑی کی رفتار کو انتہائی کم رکھیں، شہری اپنی گاڑی کے وائپر اور ہیڈلائٹس درست حالت میں رکھیں تاکہ ان کا سفر محفوظ رہ سکے

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.