معصوم زینب کا بہیمانہ قتل: پیپلزپارٹی کی تحریک التواء قومی اسمبلی میں جمع

تحریک التوا: تحریک التوا عمران ظفر لغاری، شازیہ مری، بیلم حسنین، نفیسہ شاہ، عذرا فضل و دیگر ایم این ایز نے قومی اسمبلی سیکرٹریٹ میں جمع کرائی۔ تحریک التوا میں کہا گیا ہے کہ یہ واقعہ ایک بار پھرحکومت وقت کی طرف سے ناکافی انتظامات کی طرف اشارہ کرتا ہے، افسوس ہے قصور کے علاقے میں بار بار ایسے گھناونے جرم دہرائے جا رہے ہیں۔تحریک التوا میں کہا گیا حکومت وقت تا حال مجرموں کو پکڑنے میں ناکام رہی ہے، مجرمان کو جلد ازجلد پکڑ کرعبرت ناک سزا دی جائے، نہایت اہم واقعہ ہے، ایوان کی کاروائی روک کر معصوم زینب کیساتھ ہونے والے اندوہناک واقعہ اور بہیمانہ قتل پر بحث کی جائے، تاکہ مستقبل میں ایسے واقعات سے معصوم بچوں کو محفوظ رکھا جا سکے۔دوسری جانب پاکستان تحریک انصاف نے مذمتی قرارداد سندھ اسمبلی میں جمع کرا دی۔ مذمتی قرارداد تحریک انصاف کے رکن خرم شیر زمان نے جمع کرائی۔ قرارداد میں زینب کے قتل کی مذمت اور قاتل کو عبرتناک سزا دینے کا مطالبہ کیا گیا ہے۔ قرارداد میں کہا گیا ہے کہ معصوم زینب کے قتل پر پوری قوم افسرده ہے یہ مذمتی قرارداد پوری قوم کی طرف سے جمع کرائی ہے

شاید آپ یہ بھی پسند کریں مصنف سے زیادہ

%d bloggers like this: