پاک بھارت فائنل۔۔۔۔۔۔ اشتہاری کمپنیوں کی لاٹری لگ

پاک بھارت فائنل۔۔۔۔۔۔ اشتہاری کمپنیوں کی لاٹری لگ گئی ۔۔۔۔۔ہر اوور میں پانچ کروڑ کمائی۔۔دس سیکنڈ اشتہارکی قیمت 35 لاکھ ہوگئی

18 جون کو جب انڈیا اور پاکستان چیمپیئنز ٹرافی کے فائنل میں ایک دوسرے کے مد مقابل ہوں گے تو یہ روایتی حریفوں کے درمیان محض ایک میچ ہی نہیں ہوگا۔۔۔اشتہارات کی دنیا کے ماہرین کے مطابق اس فائنل میچ کے دوران ٹی وی اشتہارات سے تقریباً 500 کروڑ کی کمائی ہونے کا اندازہ ہے۔۔۔یعنی فائنل میں 100 اوور کے میچ میں ہر ایک اوور میں تقریباً پانچ کروڑ کی کمائی کی امید ہے۔

انڈیا اور پاکستان کے درمیان چیمپیئنز ٹرافی میں چار جون کو پہلے مقابلے کے دوران ٹی وی نشریات کمپنی نے دس سیکنڈ کا اشتہار دکھانے کے لیے 25 لاکھ چارج کیے تھے۔۔۔لیکن ٹی وی اشتہارات دلانے والی کچھ کمپنیاں دعویٰ کرتی ہیں کہ فائنل میں یہ قیمت 35 لاکھ تک پہنچ گئی ہے۔۔۔سٹار ٹی وی کے مطابق چار جون کو ہونے والے انڈیا اور پاکستان کے مابین چیمپیئنز ٹرافی کے پہلے میچ کو 20 کروڑ سے بھی زیادہ لوگوں نے دیکھا۔۔۔۔اس ایک میچ کا تقابل کیا جائے تو ڈیڑھ ماہ تک چلنے والی 60 میچوں والے آئی پی ایل کو تقریباً 40 کروڑ ناظرین نے دیکھا تھا۔۔۔انڈیا اور پاکستان کے درمیان فائنل میچ تقریباً ایک ارب سے بھی زیادہ لوگوں کے ٹی وی پر دیکھنے کا اندازہ ہے۔

بڑے ٹورنامنٹ اہم میچ میں ٹی وی نشریات کمپنی اشتہارات کے لیے 10 فیصد سلاٹ ریزرو رکھتی ہے۔ سیدھے لفظوں میں کہا جائے تو بڑے میچوں میں جو زیادہ پیسہ دے گا، اس کے لیے دروازے کھلے ہیں

نشریات کے لیے انڈیا کی وزارت اطلاعات و نشریات کے قوانین کے مطابق ایک گھنٹے کے کسی بھی طرح کی ٹی وی نشریات کے دوران صرف 12 منٹ کے لیے ہی اشتہارات دکھائے جا سکتے ہیں۔

یعنی تقریباً نو گھنٹے کی نشریات کے دوران میں ٹی وی کمپنی کے پاس تقریباً 108 منٹ کے اشتہارات دکھانے کے لیے ہوں گے۔ اس کے علاوہ میچ سے پہلے تجزیے اور بعد کے جائزے وغیرہ کو جوڑ دیا جائے تو اسے 40 سے 50 منٹ مزید مل جاتے ہیں۔۔۔ بتایا جا رہا ہے کہ  پاک بھارت فائنل میں اشتہار بک ہوچکے ہیں اورکوئی بھی سلاٹ خالی نہیں ہے۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.