فلپائن:مسلمانوں کو خصوصی شناختی کارڈ جاری کرنے پر ہنگامے

فلپائن کے مسلم اکثریتی شہر مراوی میں مسلمانوں کو خصوصی شناختی کارڈ جاری کرنے کی متنازعہ تجویز پر ہنگامہ کھڑا ہو گیا

مئی کے مہینے سے اسی شہر میں مسلح فوجی دستوں اور مسلم عسکریت پسندوں کے مابین شدید جھڑپیں بھی جاری ہیں، جن میں اب تک سینکڑوں افراد مارے جا چکے ہیں۔ملکی فوج اور منیلا حکومت کے مطابق مراوی میں دراصل انسداد دہشت گردی کے لیے ایک وسیع آپریشن جاری ہے اور اس آپریشن کے آغاز سے قبل اس شہر پر شدت پسند تنظیم ’اسلامک اسٹیٹ‘ یا داعش کے کئی سو ایسے مسلح جہادیوں نے جزوی طور پر قبضہ بھی کر لیا تھا، جو داعش کے جھنڈے بھی اٹھائے ہوئے تھے۔حکومت نے اس شہر میں ایک وسیع تر زمینی اور فضائی آپریشن شروع کر دیا تھا۔ اب تک یہ آپریشن اس لیے مکمل نہیں ہو سکا کہ بہت سے عسکریت پسند ابھی تک شہر کے مختلف حصوں میں مورچہ بند ہیں اور فضائی حملوں کے ساتھ ساتھ زمینی فوجی کارروائیاں بھی ان شدت پسندوں کو وہاں سے پسپائی پر تاحال مجبور نہیں کر سکیں۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.