داعش کے سربراہ البغدادی ممکنہ طور پر فضائی حملے میں ہلاک

بدنام زمانہ دہشت گرد تنظیم داعش کے سربراہ البغدادی ممکنہ طور پر فضائی حملے میں ہلاک ، ہلاکت کی اطلاعات کی تحقیقات کی جا رہی ہیں، روس کا دعویٰ

روسی وزارتِ دفاع کا کہنا ہے کہ شام میں دولتِ اسلامیہ کے شدت پسندوں پر کیے گئے ایک فضائی حملے میں داعش کے سربراہ ابوبکر البغدادی کی ہلاکت کی اطلاعات کی تحقیقات کی جا رہی ہیں۔

روس کی وزارتِ دفاع کی جانب سے جاری بیان میں کہا گیا ہے کہ ممکنہ طور البغدادی 28 مئی کو کیے گئے فضائی حملے میں ہلاک ہو گئے۔ حملے میں شمالی شام کے شہر رقہ میں دولتِ اسلامیہ کی کونسل کے اجلاس کو نشانہ بنایا گیا تھا۔ خیال رہے کہ اس سے قبل بھی متعدد بار ابو بکر البغدادی کی ہلاکت کی اطلاعات موصول ہو چکی ہیں۔ تاہم اس خبر کی آزاد ذرائع سے تصدیق نہیں ہو سکی تھی۔ جبکہ  امریکہ نے البغدادی کی گرفتاری یا ہلاکت پر دس ملین ڈالر کے انعام کا اعلان بھی کیا ہوا ہے۔

 

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.