برطانوی وزیراعظم تھریسا مے کا8 جون کو قبل ازوقت انتخابات کرانے کا اعلان

وزیر اعظم کو 2020 کی مقررہ مدت سے پہلے انتخابات کرانے کے فیصلے کی پارلیمنٹ سے توثیق ضروری ہے ۔ اطلاع ہے کہ برطانوی پارلیمنٹ میں بدھ کے روز قبل از وقت انتخابات پر ووٹنگ ہوگی ۔ جماعتی لیڈر جیریمی کاربن کا کہنا ہے کہ لیبر پارٹی چاہتی ہے کہ یہ انتخابات ہوں تاکہ ایسی حکومت آسکے جو اکثریت کو فوقیت دے ۔ اگر پارلیمنٹ نے وزیر اعظم کے قبل از وقت انتخابات کرانے کے فیصلے کی توثیق کر دی تو انتخابات 8 جون کو کرائے جائیں گے ۔ قبل از وقت انتخابات کا اعلان کرتے ہوئے وزیر اعظم تھریسا مے نے کہا کہ برطانیہ کی یورپ یونین سے علیحدگی کے ریفرینڈم کے بعد ملک کو استحکام، اطمینان اور مضبوط قیادت کی ضرورت ہے ۔ فیصلے کا اعلان کرتے ہوئے وزیر اعظم نے کہا کہ ‘ملک تو متحد ہو رہا ہے لیکن ویسٹ منٹسر نہیں ۔’ اپنے فیصلے کا اعلان کرتے ہوئے وزیر اعظم نے کہا کہ ‘میں اس نتیجے پر پہنچی ہوں کہ ملک میں آنے والے کئی برسوں میں استحکام اور اطمینان کے لیے نئے انتخابات انتہائی ضروری ہیں ۔’ انھوں نے کہا کہ ‘جب میں وزیر اعظم بنی تو میں نے کہا تھا کہ 2020 تک کوئی انتخابات نہیں ہونے چاہیں لیکن اب میں اس نتیجے پر پہنچی ہوں کہ ملک میں برسوں تک اطمینان اور استحکام کو برقرار رکھنے کا واحد راستہ انتخابات ہیں۔

شاید آپ یہ بھی پسند کریںمصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.