کولمبیا: مٹی کے تودے گرنے کا دوسرا واقعہ، 17 افراد ہلاک،7 لاپتہ

جنوبی امریکی ملک کولمبیا میں گزشتہ ایک ماہ سے ہونے والی مسلسل بارشوں سے مٹی کے تودے گرنے کا دوسرا ہلاکت خیز واقعہ پیش آیا ہے۔ جس کے باعث17افراد ہلاک، 7 لاپتہ جبکہ57 گھروں کو شدید نقصان پہنچا ہے۔ میڈیا رپورٹس میں بتایا گیا ہے کہ صرف ایک رات میں اتنی بارش ہوئی جتنی کہ مہینے بھر میں ہوتی ہے۔کولمبیا کے مغرب میں گزشتہ کئی دنوں سے جاری بارشیں ان تودوں کے گرنے کی وجہ بنی ہیں۔ اس ملک کے مغرب میں تقریبا چار لاکھ افراد کو پانی کی فراہمی منقطع ہو گئی ہے جبکہ درجنوں گھر مکمل طور پر تباہ ہو گئے ہیں۔ واضح رہے کہ جنوبی امریکہ میں مٹی کے تودے گرنے سے قبل اس مہینے کے شروع میں موکوا میں بھی اسی طرح کا سانحہ پیش آیا تھا جس میں 320 افراد ہلاک اور ہزاروں بے گھر ہو گئے تھے۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.