مقبوضہ کشمیر:بھارتی فوج کا گھر گھر آپریشن،مزید 3کشمیری شہید ،علی گیلانی ہسپتال منتقل

قابض فوج نے ضلع کپواڑہ اور باندی پورہ میں گھر گھر آپریشن کے دورا ن مزاحمت پر نصراللہ میرسمیت دو کوہانجن اور تیسرے کو کرن سیکٹر میں شہید کر دیا۔ نامعلوم افراد کے حملے میں بھارتی فضائیہ کے دوکمانڈوز کارپورل نیلاش اور سارجنٹ ملند کوہانجن کے علاقے میں مار دیا گیا۔ حملے میں ایک فوجی زخمی بھی ہوا۔ حریت کانفرنس کے رہنما سید علی گیلانی گھر میں نظربندی کے دوران علیل ہوگئے۔ انہیں ہسپتال منتقل کردیا گیا۔ ان کے وکیل نے این آئی اے کے چھاپوں اور حریت رہنما کو حراساں کرنے کے خلاف پریس کانفرنس کرنا چاہی تو کٹھ پتلی انتظامیہ نےایڈووکیٹ دیوندر کو بھی گھر میں نظربند کردیا۔ مقبوضہ کشمیر میں خواتین کی چٹیا کاٹنے کے واقعات بھی رک نہ سکے،اڑی کے علاقے بانڈی پورہ میں دو بھارتی فوجیوں نے ایک گھر میں گھس کر اٹھارہ سالہ شائستہ کی چٹیا کاٹ دی۔ والدہ کی بھارتی فوجی اہلکاروں سے شکایت کے باوجود کوئی کارروائی نہیں کی گئی۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.