پرتگال کےجنگلات میں آگ لگنےسےہلاکتوں کی تعداد62 ہو گئی

پرتگال کے جنگلات میں آگ لگنے سے ہلاکتوں کی تعداد 62 ہو گئی،،، 59 سے زائد افراد زخمی،،، 600 کے قریب فائرفائٹرز آگ بجھانے میں مصروف،،، پرتگال میں تین روزہ سوگ کا اعلان

جنوبی یورپی ملک پرتگال کے جنگل میں آتشزدگی کے واقعے میں ہلاکتوں کی تعداد 62 ہو گئی جبکہ 59 افراد زخمی ہو گئے ہیں۔

پرتگال کےعلاقے جوپیڈروگاؤ گرینڈ کے جنگل میں لگنے والی خوفناک آگ نےدیکھتے ہی دیکھتے پورے علاقے کو اپنی لپیٹ میں لے لیا۔ حکام کےمطابق مقامی آبادی نےگاڑیوں کےذریعےمحفوظ مقام پر منتقل ہونے کی کوشش کی تاہم انہیں راستہ نہ ملا اور وہ شعلوں میں گھر کر رہ گئے، جس کے باعث زیادہ تر افراد اپنی گاڑیوں میں ہی زندہ جل گئے جبکہ کچھ ہلاکتیں دھوئیں کے باعث دم گھٹنے سے ہوئیں۔ ریسکیو حکام کےمطابق متعدد افراد اب بھی متاثرہ علاقے میں پھنسے ہوئے ہیں جبکہ بعض زخمیوں کی حالت بھی تشویشناک ہونے کے باعث ہلاکتوں میں اضافےکا اندیشہ ہے۔ سینکڑوں اہلکار ہیلی کاپٹروں، طیاروں اور فائر ٹینڈرز کی مدد سے آگ پر قابو پانے اور پھنسے ہوئے لوگوں کو علاقے سے نکالنے میں مصروف ہیں، تاہم آگ بڑے پیمانے پر پھیلے ہونے کی وجہ سے امدادی کارروائیوں میں مشکلات کا سامنا ہے۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.