روس نے امریکہ، شمالی کوریا کو لفظی جنگ پر خبردار کردیا

روس کے وزیر خارجہ سرگئی لاؤروف نے امریکہ اور شمالی کوریا کے درمیان بڑھتی ہوئی لفظوں کی جنگ پر خبردار کرتے ہوئے کہا ہے کہ اس کے نقصانات بہت زیادہ ہوں گے۔ ماسکو میں ایک یوتھ فورم سے خطاب کرتے ہوئے سرگئی لاؤروف نے کہا کہ لفظی جنگ کے نقصانات بہت زیادہ ہیں خاص طور پر اس وقت جب براہ راست دھمکیوں پر مشتمل الفاظ استعمال ہورہے ہوں- انھوں نے امریکی صدر ٹرمپ کے حالیہ بیان کا حوالہ دئیے بغیر کہا کہ امریکہ کی جانب سے ملٹری ایکشن کی دھمکی پر ماسکو چوکنا ہے۔ روسی وزیرخارجہ نے کہا کہ شمالی کوریا کے مقابلے میں امریکہ ایک طاقت ور ریاست ہے اس لیے معاملات کو ٹھنڈا کرنے کے لیے پہل کرنی چاہیے۔ سرگئی لاؤروف کا کہنا تھا کہ جب جنگ چھڑنےکے قریب ہوتو اس خطرناک حالت سےنکلنےکے لیے جو مضبوط اور ماہر ہے اسی کو اقدامات اٹھانے چاہیئیں۔

شاید آپ یہ بھی پسند کریں مصنف سے زیادہ

جواب چھوڑیں

آپ کا ای میل ایڈریس شائع نہیں کیا جائے گا.